Afrikaans: Goue pentadragma met die beeltenis van Ptolemeus I Soter [Πτολεμαίος Α Σωτήρ], gemunt te Paphos ("ΠA"), Siprus. Voorkant: Kop van Ptolemeus I met blik na regs, met diadeem oor die hoof en 'n aegis om nek. Keersy: Linkstragtende arend op weerligblits, vlerke gevou. Hierdie Griekse generaal van Masedonië, metgesel en een van Alexander die Grote se sewe lyfwagte, was die stigter van die koninkryk wat Egipte in 'n Hellenistiese koninkryk en Alexandrië in 'n sentrum van Griekse kultuur omskep het. Die diadeem, 'n eenvoudige lapfilet, was die Hellenistiese simbool van koninklikes en koningskap. Die aegis was 'n simbool met goddelike konnotasies, wat na beskerming van Zeus en Athena verwys, om die goddelike oorsprong en legitimiteit van die Ptolemaïese dinastie te onderstreep. Hierdie trichryson of "driegoud" met die waarde van vyf silwerdrachmas, was die standaard gouddenominasie tydens sy bewind. Uitgebreide gebruik van hoë-denominasie goud- en silwermuntstukke, binne 'n geslote monetêre stelsel, het tot die konsolidasie van welvaart en gesag in die nuwe Ptolemaïese dinastie bygedra.